Со дуелот меѓу ГРК Тиквеш и Прилеп се комплетираше деветото коло во Супер-лигата. Победник од оваа средба излезе домашниот тим, кој беше подобар со 24-21. Кавадарчани остануваат на седмото место на табелата со скор од четири победи и пет порази, додека Прилеп е деветти со три победи и шест порази.
Само во првите минути се играше изедначено, по што кавдарчани до првата поголема предност дојдоа во 13-та минута (7-3), на одморот беше (14-11). На средината на вториот дел Тиквеш водеше со 22-16, на другата страна гостите иако не се откажува нема сили да му парираат на противникот. На минута и пол до крајот доближија на 24-21, по што Грчевски повика тајм-аут. Резултатот остана непроменет.
Мијушковиќ беше стрелец на пет гола, Димитриоски на другата страна со осум гола беше прв стрелец на мечот, но неговите голови не беа доволни за нешто повеќе.
