Утре се игра „Ел Класико“ и тоа од 16:15 часот на „Сантијаго Бернабеу“ во Мадрид. Јасно е кога се среќаваат Реал Мадрид и Барселона, страстите зовриваат, па така и овојпат. Пред два дена Ламине Јамал со неприкладни зборови го најави ова мега – дерби, а “Кралеците“ збеснаа, како и сите во Реал Мадрид, како и сите фанови на клубот од Мадрид.
Јамал не само што не се извини туку и продолжи со навредите.
По ова медиумите во Шпанија најавија дека Дани Карвахал, капитенот на Реал Мадрид и соиграч на Јамал во селекцијата на Шпанија, по завршување на утрешниот натпревар, ќе го повика Јамал на разговор во една од клупските канцеларии со цел да се разјаснат некои работи, без разлика како и да заврши мечот.
Останува да се види дали оваа понуда ќе ја прифати самиот Јамал.
