Македонската спортска легенда и еден од најискусните македонски каратисти во традиционално карате, Дејан Недев, освои сребрен медал и стана европски вицешампион во кати на Европското првенство што се одржува во Шчечин, Полска.
Во финалето Недев се соочи со претставникот на Ирска, Чарлис Нери, во меч кој предизвика огромно внимание. По тесно судиско гласање победата му беше доделена на ирскиот натпреварувач – одлука што предизвика бројни реакции, бидејќи Недев доминираше во изведбата. Карактеристично за вистински шампион, Нери веднаш по мечот лично му честиташе на Недев и јавно му призна дека бил подобар.
Овој резултат има уште поголема симболика – токму во Шчечин, пред точно 35 години, во 1990 година, Недев го имаше своето прво меѓународно појавување. Денес, по три и пол децении континуитет, тој повторно покажува дека вистинските шампиони не стареат – туку стануваат легенди.
Недев останува пример за посветеност, дисциплина и врвна спортска етика. Неговиот успех е огромна инспирација за младите генерации и силна потврда дека македонското карате и понатаму е дел од европскиот врв.
