Викендов и официјално започна новото одбојкарско првенство во машка конкуренција. Во некомплетното воведно коло, најинтересниот меч се одигра во Тетово на градското дерби меѓу Универзитет во Тетово и Шкендија.
Навивачите присуствуваа на вистинска драма во пет сета, каде по повеќе од два часа игра домашниот состав славеше со 3:2. Универзитет во Тетово имаше водство од 2:0 во сетови, но Шкендија се врати во игра и израмни на 2:2, а победникот се одлучуваше во тај-брејкот.
Ништо понеинтересно не беше и во Пробиштип, каде домашниот состав загуби на отворањето на сезоната од екипата на Македонија Џио со 2:3. Штипјани беа сигурни на дуелот со Сушево обезбедувајќи победа во три сета, исто како и ГОК Борец кој пред своја публика со максимален резултат ја совлада Лирија.
Натпреварот меѓу Струмица и Јанта Волеј е одложен.
ПРВА ЛИГА – МАЖИ / 1 КОЛО
Работнички 71&22 – Скопје 3:0
ГОК Борец – Лирија 3:0
Струмица 47&72 – Јанта волеј одложена
Универзитет во Тетово – Шкендија 3:2
Весна Пробиштип – Македонија Џио 2:3
Сушево – Штип УГД 0:3
