Екипата на Црвена Звезда го запиша шестиот триумф во низа во Евролига, откако славеше против Макаби со 99-92 во рамките на осмото коло. Српскиот тим под водство на новиот тренер Саша Обрадовиќ игра како препороден.
Тренерот на Црвена Звезда зборуваше на прес-конференција по победата над Макаби. Тој откри дека Никола Калиниќ му давал совет на Обрадовиќ после исклучувањето.
„Суштината на тренерството не е да се биде автократ, како што бев некогаш, туку да се слушаат играчите. А кого ќе го слушам прво ако не него. Но, не само него, мора да има врска помеѓу играчите и тренерот, за да ми биде и полесна работата.“
