Од вчера и официјално Вељко Пауновиќ е новиот селектор на Србија. Како што е познато тој има и македонски корени преку неговата мајка, потоа роден е и живеел во Струмица до својата осма година а го говори и македонскиот јазик.
Пауновиќ не сакаше ништо да експериментира па во стручниот штаб на селекцијата на Србија ќе биде опкружен со свои луѓе со кои долги години соработува.
Тоа се Карлос Арсено од Аргентина и Нуњо Гомеш од Португалија, тука е и некогашната ѕвезда на Манчестер Јунајтед, Квинтон Форчјун.
Инаку “Македонецот“ Пауновиќ ќе има пеколно деби за Србија, и тоа на 13 ноември на гости кај Англија, меч кој се игра на славниот “Вембли“.
