По поразот во „Ел Класико“ во минатото коло, Барселона ја оправда улогата на голем фаворит на „Монжуик“, каде што го победи Елсе со 3:1 во 11-то коло од шпанската Ла Лига.
Веќе во деветтата минута, Барса поведе. Балде ја освои топката од левата страна на теренот, истрча брз контранапад и навреме го ангажираше Ламин Јамал во шеснаесетникот, а првата ѕвезда на Барселона од десет метри, испрати силен и прецизен удар за 1:0.
И, штом го прославија водечкиот гол, играчите на Барселона постигнаа уште еден. Поточно, во 11-та минута се случи слична ситуација како и две минути претходно. Гостите повторно ја загубија топката, но сега Фермин Лопез ја освои и незапирливо се упати кон шеснаесетникот, испраќајќи центаршут од левата страна за Феран Торес, кој по таа акција се најде таму каде што требаше и постигна гол од непосредна близина за 2:0.
Рафа Мир ја врати неизвесноста за 2:1. И овој гол беше постигнат по контранапад.
Во 61-та минута Барса повторно со водство од два разлика.Фермин Лопез од десната страна центрираше, Маркус Рашфорд ја прифати топката, влезе во шеснаесетникот а потоа шутираше силно, топката се одби од пречката и заврши во мрежата – 3:1.
Со оваа победа Барса сега има -5 во однос на лидерот Реал Мадрид.
