Кошаркарите на Денвер го победија Сакраменто со 130:124 и со тоа го забележаа својот четврти триумф оваа сезона. Најефикасен играч во тимот на Денвер беше српскиот центар Никола Јокиќ, кој постигна 34 поени (14/22 шут од поле), со 14 асистенции, седум скока, четири украдени топки и две блокади за 36 минути игра. Кристијан Браун додаде 21 поен, Арон Гордон запиша 20 поени и седум скока, додека Џамал Мареј го заврши натпреварот со 15 поени, седум скока и седум асистенции.
Кај Сакраменто, поранешниот играч на Денвер, Расел Вестбрук со 26 поени и 12 скока беше најефикасен.
Мајами ги победи Лос Анџелес Клиперс со 120:119 на гостински терен во Инглвуд, запишувајќи го својот четврти триумф оваа сезона. Најефикасен играч на Мајами беше Бам Адебајо со 25 поени и 10 скока. Џејмс Харден беше најефикасен играч за Клиперс со 29 поени.
Милвоки ја победи Индијана со 117:115 со кош со сирената кој го постигна Јанис Адетокумбо, нанесувајќи му го шестиот пораз во сезоната. Хјустон и Лос Анџелес Лејкерс ги остварија своите четврти победи по ред.
НБА РЕЗУЛТАТИ:
Бруклин – Минесота 109:125
Индијана – Милвоки 115:117
Бостон – Јута 103:105
Њујорк – Вашингтон 119:102
Хјустон – Далас 110:102
Мемфис – Детроит 106:114
Денвер – Сакраменто 130:124
Портланд – Лејкерс 115:123
Клиперс – Мајами 119:120
