Уште на стартот на денешните пресметки во Лигата на шампионите бевме сведоци на две изненадувања.
Карабаг и Челзи одиграа нерешено 2-2 во Баку, додека Пафос го победи Виљареал со 1-0 во Лимасол.
Менаџерот на Челзи, Енцо Мареска, ризикуваше со својот почетен состав, можеби малку и го потцени противникот, па мораше да спасува бод во вториот дел во Азербејџан. Англичаните поведоа во 16-тата минута со голот на Естевао, но до полувреме домашните направија целосен пресврт.
Леандро Андраде израмни во 26. минута, додека Марко Јанковиќ од пенал во 39. Минута го донесе Карабах и до предност од 2:1.
Мареска ја сфати својата грешка меѓу двете полувремиња, ги внесе своите главни играчи и Челзи стигна до 2:2 во 53-тата минута, кога Гарначо ја затресе мрежата за конечни 2:2.
На Кипар, историска победа за Пафос. Фаворизираниот Виљареал беше поразен со голот на Лукасен во 47-та минута што му донесе историски триумф на кипарскиот шампион.
