Нова, фантастична партија на Никола Јокиќ, сега против Мајами Хит. Србинот постигна 33 коша, имаше 15 скока и 16 асистенции, со што стигна до својот петти трипл-дабл во седмиот натпревар од оваа НБА сезона. Денвер Нагетс ја искористија неговата добра игра за победа против Мајами Хит. Натпреварот заврши 122:112 и ја продолжи совршената серија на Денвер против овој противник. Во последните 11 од нивните конфронтации во регуларниот дел од сезоната, Нагетс победија.
Јокиќ шутираше 12/18 од поле, а стигна до трипл-дабл со офанзивен скок 6:36 минути пред крајот на третата четвртина. Трикратниот НБА МВП има просек од 24,1 поен, 13,4 скока и 12,0 асистенции по натпревар оваа сезона. Арон Гордон додаде 24 поени за Нагетс, кои се во серија од четири победи оваа сезона.
Nikola Jokic knows Aaron Gordon too well 💯 pic.twitter.com/jwNFa8RnsJ
— NBA Philippines (@NBA_Philippines) November 6, 2025
По неверојатна драма што траеше три часа, Лос Анџелес Лејкерс, предводени од кошаркарскиот волшебник Лука Дончиќ, ги победија Сан Антонио Спарс со 118:116. Словенечкиот кошаркар заврши со 35 поени, 13 асистенции, девет скока, пет украдени топки и две блокади. Му требаше само еден скок за трипл-дабл.На спротивната страна Виктор Вембањама заврши со 19 поени, 8 скокови и 3 асистенции.
На останатите мечеви се постигнаа следните резултати:Кливленд – Филаделфија 132:121, Детроит – Јута 114:103, Индијана – Бруклин103;112, Бостон – Вашингтон 136:107, Њујорк – Минесота 137:114, Мемфис – Хјустон 109:124, Далас – Њу Орлеанс 99:101, Портланд – Оклахома 121:119 и Сакраменто – Голден Стејт 121:116.
