Панатинаикос во новата сезона во Евролигата влезе како еден од најголемите, ако не и најголем фаворит за освојување на трофејот. Стратегот Ергин Атаман доби неколку квалитетни засилувања, како на пример нашиот репрезентативец Ти-Џеј Шортс. Сепак очигледно е дека на Шортс му треба повеќе време за адаптација.
По поразот од Ц. Звезда во Белград, Атаман отворено го критикуваше бекот на својот тим:
„Можам и сакам да кажам е дека не сум задоволен од она што го гледам од Шортс во дресот на Панатинаикос од стартот на сезонава. Можеби вината е кај него, можеби е кај нас, но на сите им е јасно што очекувавме кога го носевме во ПАО, а што гледаме на теренот. Се надевам дека тоа наскоро ќе се промени“ истакна Атаман.
