Селекторот на репрезентацијата на Велс, Крег Белами, го објави списокот на фудбалери со кои ќе с епојави на последните два квалификациски дуели за пласман на СП 2026 со Лихтенштајн и Македонија.
По последователните порази од Англија и Белгија, притисокот врз Белами почна да расте, но Белами вели дека е мотивиран да и донесе успех на нацијата и е горд што ја претставува.
„Јас сум навистина горд Велшанец и не верувам дека некој е толку горд што е Велшанец како мене и чувствувам дека сите се чувствуваме исто. Чувствувам дека сè додека сум посакуван и луѓето од Велс чувствуваат дека можам да дадам плус за земјата, тоа е нешто што ме мотивира“, изјавил Белами на прес-конференцијата пред последните два квалификациски меча.
Велс останува фокусиран на обезбедување место во баражите за Светското првенство, а плејофот во март е најреален пат ако успеат да го обезбедат второто место во групата.
За таа цел Белами за дуелите со Лихтенштајн на гости и дома во Кардиф против Македонија ги повика следните фудбалери:
Карл ДАРЛОУ (Лидс Јунајтед), Адам ДЕЈВИС (Шефилд Јунајтед), Том КИНГ (Евертон), Бен ДЕЈВИС (Тотенхем Хотспур), Џеј ДАСИЛВА (Ковентри Сити), Крис МЕФАМ (Вест Бромвич Албион), Бен КАБАНГО (Свонси Сити), Џо РОДОН (Лидс Јунајтед), Дилан ЛОЛОР (Кардиф Сити), Неко ВИЛИЈАМС (Нотингем Форест), Ронан КПАКИО (Кардиф Сити), Итан АМПАДУ (Лидс Јунајтед), Џош ШИХАН (Болтон Вондерерс), Џордан ЏЕЈМС (Лестер Сити, позајмен од Стад Рен), Лиам КАЛЕН (Свонси Сити), Џоел КОЛВИЛ (Кардиф Сити), Хари ВИЛСОН (Фулам), Натан БРОДХЕД (Рексам), Рубин КОЛВИЛ (Кардиф Сити), Сорба ТОМАС (Стоук Сити), Луис КУМАС (Бирмингем Сити – позајмен од Ливерпул), Марк ХАРИС (Оксфорд Јунајтед), Кифер МУР (Рексам), Бренан Џонсон (Тотенхем), Дејвид Брукс (Борнмут), Ден Џејмс (Лидс Јунајтед).
