Сер Алекс Фергусон му честиташе на Пеп Гвардиола за претстојниот 1.000-ти натпревар како менаџер. Шпанецот ова оставрување ќе го простигне во недела, кога неговиот тим Манчестер Сити ќе го пречека Ливерпул во Премиер-лигата.
„Пеп! Со задоволство те поздравувам во престижниот клуб 1.000 на славните на Здружението на фудбалски менаџери. Твојата длабока љубов и страст кон играта отсекогаш биле очигледни и со право можеш да бидеш горд на неизбришливата трага што продолжуваш да ја оставаш во светскиот фудбал“, рече легендарниот менаџер на Манчестер Јунајтед, кој додаде.
„Да се достигне бројката од 1.000 натпревари и да се одржи таква долговечност во фудбалот е достигнување чие значење не може да се потцени. И да се продолжи да се освојуваат титули во лигата, трофеи од Лигата на шампионите и домашни купови во три од најконкурентните лиги во Европа е навистина извонредно“, додаде Фергусон, кој има над 2.000 натпревари во својата тренерска кариера.
Покрај Манчестер Сити, Гвардиола ги водеше и Барселона и Баерн Минхен.
