Екипата на ГРК Охрид славеше на дерби дуелот против Алкалоид со 28-24 во првиот меч од 12. коло во Супер-лигата. Избраниците на Борис Ројевиќ ја оправдаа фаворитската улога против младиот скопски состав. Охриѓани оваа сезона се еден од главните кандидати за титулата, поптишаа бројни странски засилувања и имаат голем буџет.
Стрмјан беше стрелец на 11 гола, додека Иванковиќ запиша седум. На другата страна Дамјан Митев имаше шест погодоци, неговиот брат Марко беше стрелец на пет гола.
До пред средината на првото полувреме се играше изедначено (6-6), домашниот тим со серија од 4-0 поведе со 10-6, а потоа полека ја превзема контролата на мечот. На одморот резултатот беше 17-11. Алкалоид не успеа да приреди изненадување на оваа средба.
Со новите бодови, ГРК Охрид ќе биде на третата позиција, додека Алкалоид ќе биде четврти.
