Велс ќе има нов капитен на репрезентацијата за претстојните два квалификациски дуели за пласман на СП 2026, меѓу кои и оној решавачкиот со Македонија во вторник во Кардиф. Итан Ампаду ќе биде најверојатниот нов капитен во велшкиот тим, по повредата на првиот капитен Бен Дејвис, кој нема да биде во составот за мечот со Македонија поради повреда.
25-годишниот Ампаду е подготвен да ја предводи својата земја во клучните натпревари против Лихтенштајн и Македонија, а за капитенската лента веќе има поддршка и од своите соиграчи. Играчот од средниот ред на Лидс Јунајтед, Џо Родон вели дека Ампаду е веќе навикнат на одговорноста, бидејќи е капитен на својот клуб од јули минатата година.
„Итан е млад, но се чувствува како да е тука отсекогаш“, рече Родон, кој играше заедно со Ампаду и за Лидс и за Велс.
„Тој е многу зрел на толку млада возраст, што е реткост. Тој е брилијантен уште откако беше поставен за капитен на почетокот на минатата сезона. Тој едноставно се навикна на улогата и станува сè подобар и подобар секоја недела. Сите го сакаат и тоа е добра особина што треба да се има еден капитен“, смета Родон.
Велшаните пред мечот со Македонија в сабота му гостуваат на Лихтенштајн.
