Како што се наближува стартот на СП 2026, така растат тензиите во оние најфудбалски земји, како што е Бразил. Иако реално “Кариоките“ немаат таков тим како во минатите години, сепак тоа е Бразил, фановите ја посакуваат шестата титула светски првак. Посебно ако се знае дека последната беше освоена дури во 2002 година на Мундијалот во Јапонија и Ј. Кореја.
На ова свој коментар има селекторот Карло Анчелоти, кој ја изненади светската јавност со коментарот дека Бразил не е меѓу главните аспиранти за трофејот.
“Фаворити? Како и секогаш, тоа се Шпанија, Аргентина, Франција, Германија, Англија и Португалија. Но треба да се биде внимателен, јас очекувам во текот на Мундијалот да има големи изненадувања. Што се однесува до Бразил, имаме искусни и квалитетни играчи. Нашите фанови посакуваат да го освоиме трофејот и ние ќе се обидеме да го сториме тоа“ истакна покрај другото Италијанецот на клупата на Бразил.
