Пелистер продолжи да реди победи во Супер-лигата, на домашен терен го победи Бутел Скопје со убедливи 31-21 во меч од 12 колл со кое започна и вториот круг.
Битолчани доминираа уште на стартот без проблем дојдоа до позитива од шест гола на одморот (16-10). Во продолжение ракометарите на актуелниот шампион продолжија во ист ритам и рутински го приведоа мечот за убедлива победа.
Петар Атанасијевиќ и Андреј Видомски со по пет гола беа најефикасни кај победникот, додека кај поразените Димитар Узунчев постигна шест гола.
За Пелистер ова беше 10 победа во Супер-лига, имаат еден пораз и реми. Бутел Скопје пак го запиша четвртиот пораз во низа,вкупно петти, по добриот старт од четири победи и едно реми.
