Уф, каква е оваа Норвешка? Моќна, силна, фантастична. Во пресрет на овој меч, кој вечерва се одигра во Милано, на Италија и требаше победа од најмалку девет голови разлика за да заврши како прва во групата И. Но не само што не победи со толкава разлика, туку беше прегазена со 1:4. Повеќе играчки отколку резултатски.
Интересно, Италија поведе со голот на Еспосито во 11.минута, но тоа како да ги налути Норвежаните, па до крајот со двата гола на Халанд и на Нуса и Ларсен победија со 1:4 и со стил завршија како први и со тоа се пласираа директно на Мундијалот.
Осум меча, осум победи со неверојатна гол – разлика 37:5 или +32, или вкупно 7:1 против Италија на двата меча.
Италија повторно ќе игра бараж за пласман на СП.
На вториот меч од оваа група Израел ја победи Молдавија со 4:1










