Хари Вилсон се враќа од суспензија за да биде капитен на тимот против Македонија утревечер. Тој на средбата со новинарите денеска истакна дека неговата селекција оди на победа.
“Ова е голема чест за мене. Се чувствувам како еден од постарите играчи и да ми се даде шанса да ја водам мојата земја утре е нешто што со нетрпение го очекувам.Влегуваме во секој натпревар за да се обидеме да победиме и навистина го сакаме второто место во групата. Знаеме колку е важно да победиме против Македонија“.
Сакам да го водам тимот на вистински начин:
„Со бројот на настапи и големи натпревари во кои играв, сакам да мислам дека сум еден од лидерите во групата, а сега од мене зависи да го водам тимот и да ги водам на вистински начин за да ја донесам таа победа. За да играш во овој тим како напаѓач, мора да играш и во одбраната, а тоа е навистина важно, особено против поголемите тимови. Имам таа велшка крв во мене и секој пат кога го носам тој дрес сакам да дадам се од себе.“
