Луис Диаз ќе пропушти три натпревари за Баерн во Лигата на шампионите. Крилниот напаѓач на Минхен направи жесток прекршок врз Мароканецот Хакими од ПСЖ при што, птотивничкиот фудбалер заработи сериозна повреда поради која ќе отсуствува до два месеци.
„Билд“ објави дека УЕФА одлучила да го суспендира Диаз на три натпревари. Тој ќе ги пропушти натпреварите против Арсенал, Спортинг и Ројал Унион.
Претходно, главниот тренер на Баерн Минхен, Винсент Компани, изрази увереност дека Колумбиецот ќе го пропушти само натпреварот со Арсенал. Останува да се почека евентуалната жалба на Баварците на оваа суспензија.
