Водачот на навивачката подгрупа на Партизан „Гробари Земун“ – Тадија Пантиќ, беше застрелан во сабота во Нов Белград, објавија медиумите во нашиот северен сосед.
Според извештајот од местото на злосторството, 23-годишниот Пантиќ патувал на состанок, кон него биле испукани најмалку пет истрели. Навивачот бил пронајден од неговите пријатели и сестра.
Според медиумските извештаи, Пантиќ живее недалеку од местото на убиството и требало да се сретне со еден пријател. Се сомнева дека навивачот на Партизан го забележал убиецот и се обидел да избега од него.
Според неофицијални информации, убиецот и неговиот соучесник пристигнале со мотоцикл пред куќата на жртвата. Скутерот што се користел во убиството на Тадија Пантиќ подоцна бил пронајден запален во Вождовац.
Лидерот на фракцијата „Гробари Земун“ и претходно беше цел на напади, со два обиди за атентат врз него, од кои првиот беше во јуни оваа година.
#Partizan : nouvel épisode de violence, qui risque d’en appeler d’autres à Belgrade, après la mort de Tadija Pantić, leader de la section des #Grobari de Zemun, abattu samedi 22 novembre, à Novi Beograd pic.twitter.com/HkTHlgxb0h
— 1899 Mode Ultrà (@ultras1899_) November 23, 2025
