По поразот од Бетис во минатото коло, лидерот на табелата во Лигата на Европа, француски Лион им се врати на победите. Вечерва Лион славеше убедливо со 0:6 на гостувањето протв Макаби ТА и повторно се врати на челното место на табелата.
Бетис остана една од четирите непоразени екипи во натпреварувањето и по пет кола, откако вечерва на домашен терен со 2:1 славеше над холандски Утрехт. Хернандез во првото и Езалзули во вториот дел беа стрелци за „зелено-белите“, додека единствениот гол за Утрехт го постигна Родригез.
Миовски и Ренџерс одиграа само 1:1 на домашен терен против Брага, која во добар дел од мечот играше со играч помалку поради добиен црвен картон. Миовски и вечерва не доби шанса да биде стартер, па влезе во игра дури во 77. минута.
Исклучително важна победа вечерва и за фудбалерите на Генк кои до третата победа дојдоа на домашен терен триумфирајќи против Базел со 2:1. Белгијците се вратија во ТОП 10 на табелата, со сериозни шанси во следните кола да нападнат и едно од првите осум места кои водат директно во осминафиналето.
Белградска Црвена Звезда со играч помалку дојде до 1:0 и втората последователна победа, откако вечерва во Белград падна и романска ФЦСБ. Домашните останаа со играч помалку во првото полувреме по исклучувањето на Учена, но со голот на Дуарте на стартот на вториот дел бодовите останаа на „Маракана“.
Бетис – Утрехт 2:1
Болоња – Салцбург 4:1
ГА Иглс – Штутгарт 0:4
Генк – Базел 2:1
Макаби Тел Авив – Лион 0:6
Нотингем – Малме 3:0
Панатинаикос – Штурм 2:1
Ренџерс – Брага 1:1
Црвена Звезда – ФЦСБ 1:0
