Фудбалерот на Барселона, Фермин Лопез, ќе отсуствува од терените во следните две недели поради повреда на десната потколеница, објави каталонскиот клуб.
„Фермин има мала повреда на мускулот на десната нога и неговото закрепнување ќе трае приближно две недели“, се вели во соопштението на Барса.
Се очекува 22-годишниот играч од средниот ред да ги пропушти следните три првенствени натпревари на каталонскиот клуб против Алавес, Атлетико Мадрид и Реал Бетис, а неговото појавување во натпреварот од Лигата на шампионите против Ајнтрахт на 9 декември е исто така под знак прашалник.
