Оскар Пјастри со болидот на Мекларен, ја освои пол-позицијата пред последната спринт трка од овогодинешното првенство во Формула 1, кое ќе се вози како дел од Големата награда на Катар.
Австралијанецот стигна до пол-позицијата на патеката во Доха со време од 1:20.055 минути, 32 илјадити пред Џорџ Расел во Мерцедес. Двајцата беа пред Ландо Норис, лидерот во генералниот пласман, кој беше две десетинки од секундата зад својот сонародник.
Актуелниот шампион Макс Верстапен, кој сè уште е во конкуренција за шампионската круна, ќе стартува од шестото место. Одлични квалификации беа видени под рефлекторите во Лусаил, каде што Пјастри ја контролираше ситуацијата речиси во текот на целиот тренинг. За време на спринт квалификациите, Австралијанецот продолжи таму каде што застана за време на единствениот слободен тренинг, и иако Расел му се закани во еден момент, не дозволи изненадување.
Покрај големата борба на финишот, квалификациите беа обележани со уште едно катастрофално издание на Луис Хамилтон во Ферари. Седумкратниот светски шампион постојано беше на задните редови, а на крајот од првиот дел беше само 18-ти.
Спринт трката во Доха започнува во сабота во 15:00 часот, додека квалификациите се закажани за 19:00 часот. Големата награда на Катар започнува во недела во 17:00 часот.
