Во недела од 17.30 часот се игра големото дерби меѓу Челзи и Арсенал. “Тоопчиите“ мелат сè пред себе, а од овој викенд ќе бидат уште посилни.
Како што потврди Микел Артета, Виктор Ѓокереш и Каи Хаверц, кој се враќа во тимот по пауза од неколку месеци, се достапни.
„Да, сите полека се враќаат во тимот, ќе видиме кој ќе може да игра и колку“, рече Артета кога беше прашан за напаѓачите.
За време на отсуството на Виктор Ѓокереш, Микел Мерино играше како „лажна деветка“ во последните недели, но дури ни тоа не го спречи Арсенал да ги победи Тотенхем и Баерн Минхен.
Арсенал ќе има полесен распоред по дербито со Челзи во недела, бидејќи потоа го пречекуваат Брентфорд на 3 декември, гостуваат кај Астон Вила три дена подоцна, потоа Клуб Бриж на 10 декември, а Вулверхемптон ќе пристигне на „Емирати“ на 13-ти.
Враќањето на напаѓачите е само уште едно оружје за моќниот Арсенал, кој е лидер во Премиер лигата и Лигата на шампионите.
