Екипата на Македонија ЃП во рамките на новото 15. Коло од ПМФЛ шампионатот, денеска гостува во Битола, каде што ќе се сретне со домаќинот Пелистер. Во невообичаениот за македонски услови термин од 12:30 часот, пред се поради потребите на телевизискито пренос, овие два тима ќе се обидат да стигнат до бодовите кои што во моментов „живот значат“. Гостите сите добро знаеме во каква ситуација се. Превирањата на организациски план во Ѓорче Петров навидум се смирија, и тимот ќе треба да се сконцентрира на основното, а тоа е собирање на бодови есенва.
„Искрено се надеваме дека тешкиот период за нас заврши и дека сега ќе можеме да се фокусираме на спортскиот дел. Добро знаеме со каков квалитет располага Пелистер, а наше е да одиграме максимално, сконцентрирано, а намерата е иста како и секогаш, атак на трите бода“ – изјави Христијан Пецов.
