Пјастри победи во спринтот во Катар!

9
ФОТО: Formula 1/X

Оскар Пјастри, триумфираше на спринт трката што се возеше во рамките на Големата награда на Катар, претпоследната рунда од овогодинешното првенство во Формула 1. Австралијанецот со својот Мекларен беше најдобар во спринтот на патеката „Лусаил“ трета година по ред и со тоа се најде и на највисокото скалило на подиумот од крајот на август и трката во Зандворт.
Најблиску до Пјастри беше Џорџ Расел во Мерцедес, додека на третото скалило на подиумот беше вториот возач на Мекларен, Ландо Норис, исто така водечки во генералниот пласман.
Возачите на подиумот беа следени од бранителот на титулата Макс Верстапен, па по таков исход, Норис има 22 бода повеќе од Пјастри и 25 повеќе од Холанѓанецот на две трки пред крајот на сезоната. Акцијата во Лусаил продолжува од 19:00 часот, за кога се закажани квалификациите, додека Големата награда на Катар започнува во недела во 17:00 часот.

ПретходноСтартуваше Меѓународниот карате турнир „Гранд при Скопје 2025“
СледноМилан Стојановски: Можеме да биде среќни што не загубивме!