Бројките велат дека Никола Јокиќ, не само во моментов, туку и наназад неколку години е најдобриот кошаркар во светот. Србинот едноставно си поигрува со своите ривали во НБА, и сите признаваат дека е нај, нај.
Тоа го мисли и еден Леброн Џејмс, иконата на НБА, иконата на кошарката воопшто:
На прашањето дали Јокиќ е најдобриот офанзивен играч против кого некогаш сте играле,еве што одговори Леброн:
„Ќе го кажам ова: Никогаш не сум играл против толку доминантен и комплетен играч, во однос на сите атрибути што може да постојат. Од додавања, шутирање, скокови… Нема ништо што не може да го направи офанзивно. Апсолутно ништо“, рече Леброн Џејмс.
Кога ова го вели еден Леброн Џејмс, секако дека тоа треба да се респектира и името на Никола Јокиќ да се споменва со респект.










