Швајцарија оствари тешка победа од 25:24 над Сенегал, со што ја запечати својата втора победа на Светското првенство кое се одржува во Германија и Холандија, и со тоа обезбеди историски прв настап во главната рунда. Покрај оваа репрезентација од групата Б ќе патува и Унгарија.
Чешка водеше со пет гола разлика на почетокот на второто полувреме, но Бразил успеа целосно да ги сврти работите и на крајот дојде до својата втора победа по ред на турнирот (28-22), обезбедувајќи го своето место во главната рунда. Европскиот тим сè уште е без ниту еден бод. Во истата група Г, Шведска имаше лесна задача ја совлада Куба со 17-46 и го потврди првото место.
Ангола ја победи Кореја со 34-23 благодарение на капитенката Албертина Касома која постигна девет гола за својата репрезентација. Ангола за вторпат ќе игра во главната рунда на Светското првенство за жени. Норвешка е вториот патник во следната рунда, без проблем го совлада Казахстан со 16-41.
Романија се пласираше во главната рунда на Светското првенство за жени со својата втора победа по ред во арената „Ахој“ во Ротердам. Оваа селекција со 31:27 ја порази Јапонија. Во групата лесна победа завери Данска, откако ја совлада Хрватска со 24-35 и исто оди во главната рунда.
