Сега може да се каже дека е и официјално, ако е така. Жељко Обрадовиќ не е веќе тренер на КК Партизан. Ова попладнево на својот сајт го објави клубот од Белград.
Секако дека ова е шок за фановите на “црно – белите“ кои во моментов се собрани пред Арената каде кошаркарите на Партизан тренираат без Обрадовиќ.
Од друга страна ваквиот развој на настаните и се очекуваше ако се знае дека по враќањето од Атина, без разлика на спектаклот на аеродромот од страна на “Гробарите“, самиот Обрадовиќ не даде изјава, а посебно по вчерашниот состанок меѓу него и раководството на клубот.
Интересно е тоа што по неколку минути соопштението беше тргнато.
