Македонската кошаркарска репрезентација вечерва во Даблин ја прокнижи и втората победа во претквалификациите за ЕП 2029. По мечот, Лејсон Зеќири кој средбата ја заврши со 8 поени, имаше свое видување на денешната пресметка со Ирците.
„На почетокот, мечот не беше на наша страна заради цврста игра на ривалот, но брзо се адаптиравме и дадовме одговор. На крајот од втората четвртина поведовме, а потоа продолживме по тој пат. Третиот период имавме добар проток на топка, добра одбрана, лесни поени во напад и потоа успеавме да ја изградиме разликата за победа. Со овие две победи 90% си завршивме работа, но не значи дека ќе се опуштиме. Ќе работиме да ги добиеме и тие дуели, кои на хартија можеби се полесни“, вели Зеќири.
