Нема дилеми дека Ламине Јамал во моментов е најспектакуларниот фудбалер во светот, заедно со Килијан Мбапе се разбира. Младиот офанзивец на Барселона и репрезентацијата на Шпанија воодушевува со своите настапи, секако дека има и падови во играта, но генерално Јамал е легитимниот наследник на Меси.
Сепак има и такви кои не се премногу воодушевени од Ламине, еден од нив е славниот Ривалдо, кој своевремено играше и за Барселона.
Еве што кажа Бразилецот:
„Ламине не беше успешен против Челзи затоа што добро го чуваа. Во такви случаи мислам дека треба да има повеќе опции во играта, поголема разновидност. Тој не може само да игра десно и да ги повторува истите движења одново и одново. За вештините што ги има, тоа не му е доволно. Кога се соочува со дефанзивец кој го познава добро, како што беше случајот против Челзи, лесно е да се запре“, рече Ривалдо.
