Фудбалерите на Аталанта ја совладаа Фиорентина со 2:0 во вечерашниот натпревар од италијанската Серија А.
Домашниот тим поведе во 41-та минута со голот на Косуну, а само 5 минути по почетокот на второто полувреме Адемола Лукман го постави конечниот резултат на натпреварот. Со овој триумф Аталанта се искачи на 11-тото место со 16 бода, додека пак Фиорентина ја продолжи лошата серија без победа и во моментов е во опасната зона со само 6 бода.










