Екипата на Вардар на најдобар можен начин успеа да покаже дека есенва едноставно е екипа која знае како и на кој начин да освојува бодови, кои пак најверојатно на „црвено – црниот“ состав ќе му донесат и есенска титула ако се биде во ред во послендото 16. коло од овогодинешниот ПМФЛ шампионатот.
Денеска Вардар на комплексот Петар Милошевски успеа како домаќин да го совлада тимот на Шкупи со конечни, и на тој начин да дојде до само еден меч до освојувањето на есенската шампионска титула.
Некогашните шампиони во дијаметрално спротивни ситуации, во кој Вардар со многу голови и добра игра ја набилда уште повеќе својата победничка атмосфера, а Шкупи очигледно дека ги брои последните свои прволигашки минути.
Закариќ двоен стрелец пред полувреме
Стартот на мечот и не изгледаше така лошо за Шкупи. Очигледно се додека младите фудбалери од Чаир имаат сила на терен и имаат капацитет да се борат, но како минува мечот полека паѓаат.
По обидите на Босанчиќ, Закариќ и Талески, токму закариќ погоди за водство во 36. минута од мечот. Само минута потоа повторно Закариќ по добрата акција од лево погоди за двојно водство.
Талески и Омерагиќ погодуваат во вториот дел
Само што започна второто полувреме, Талески реализираше за 3:0. Ова е втор гол во серија за младинецот на Вардар по оној погодок во Струмица против Брера во минатото коло.
Во 57. минута, нафрлена незгодна топка во петерецот, Гроте реагира но одбива на подалечниот дирек, а таму Омерагиќ осамен само ја турка топката во голот за 4:0.
Талески греши, Станковски реализира
Во 71. минута една длабочинска топка во полето на Вардар, го натера Талески да излезе од неговиот шеснаесетник. Голманот на Вардар погрешно го процени летот на топката, и целосно ја промаши, а Марио Станковски рутинирано реализира во празната мрежа.
Омерагиќ со хет трик за 6:1
Во 77. минута од мечот, добрата акција од десно на Јанкулов нафрли на петерецот, а таму Омерагиќ од прва што се вели мајсторски реализира 5:1, односно негов втор гол во на овој дуел.
Конечно, во 84. минута, Омерагиќ влезе во шеснаесетникот одкосо, шутираше, можеби и проигруваше, но Гроте наместо да интервенира, тој дозволи топката да мине под него и да влезе во голот на Шкупи.
