Македонската кошаркарска репрезентација славеше на гостувањето кај Ирска со 76-88 во рамките на претквалификациите за ЕП 2029 година. Со вториот триумф нашите момци направија голем исчекор кон пласманот во квалификациите за континенталното натпреварување.
Македонија победата ја осигура во втората половина на последната четвртина кога успеа да го урне отпорот на противникот и да заигра многу подобро.
И овој пат лидер беше Андреј Јакимовски со 26 поени, зад него беше Вајли со 20 поени и 9 скока, додека Адем Мекиќ имаше 12 поени, Војдан Стојановски запиша 11.
Ирска се покажа како тврд противник, отвори со 8-0. Македонија првите поени на мечот ги постигна преку Андреј Јакимовски. После првите пет минути противникот водеше со 18-9, период во кој нашите кошаркари беа под нивото на задачата во одбраната, а во нападот немавме органзација. Јакимовски повлече за 18-16, но противникот одново успеа да се одлепи и да дојде на 27-20.
Во 12-та минута Ирска го запиша првото двоцифрено водство од 31-20, беше и 35-25 по што Македонија со серија од 7-0 дојде на 35-32. Најголем проблем за нашата репрезентација беше инфериорноста под обрачите, противникот правеше доста офанзивни скокови. Како одминуваше времето нивото беше подобро. Зекири и Ѓуроски во 19-та минута до донесоа првото водство на Македонија од 37-40, Магдевски на одморот се избори за минимални 40-42.
Третиот период мина во изнедначена игра со тоаа што Македонија во 26-та минута водеше со 55-57. Во последните десет минути домаќинот влезе со предност од 62-61.
Избраниците на Марјан Илиевски после минута и пол во последната четвртина дојдоа на плус четири 62-66 со поени на Магдевски. Резултатот се менуваше од минута од минута, Македонија во 35-та минута имаше минимални 69-71.
Неизвесноста продолжи, нашата репрезентација имаше проблем и со реализација од слободните фрлања. Беше вистинска драма во самиот финиш. Македонија на две минути до крајот успеа да поведе со 72-77, Мекиќ беше прецизен од линијата за слободни фрлања. Нешто подоцна капитенот, Војдан Стојановски го поведе тимот во вистинско време, постигна тројка, а се надоврза и Јакимовски за двоцифрени 74-86 и потврда на победата.
Македонија останува лидер во својата група со две победи во исто толку одиграни натпревари.
