Суперѕвездата на светската атлетика, Швеѓанецот Мондо Дуплантис и Американката Сидни Меклафлин-Леврон беа прогласени за атлетичари на годината на Светските атлетски награди за 2025 година во Монако.
Дуплантис и Меклафлин-Леврон, двајца исклучително надарени атлети, беа достојно наградени за тоа што создадоа сезони кои не само што донесоа успех и ги воодушевија љубителите на атлетиката ширум светот, туку и доведоа до уривање на рекордите.
Швеѓанецот само оваа година го сруши својот светски рекорд четири пати, од кои последниот беше кога драматично ја помина летвичката на 6,30 метри, откако ја обезбеди својата трета титула светски шампион во Токио во септември.
За Меклафлин-Леврон, која ги оствари сите очекувања на трките на 400 метри со пречки, 2025 година беше година за излегување од нејзината зона на удобност и предизвикување себеси на трките на 400 метри со пречки. Како и Дуплантис, и таа направи нешто посебно во Токио, освојувајќи ја светската титула на 400 метри со северноамерикански рекорд од 47,78 секунди.
