Да се знае кој е кој. Имено Трансфермаркт ја ажурираше листата на највредни играчи во светот за крајот на 2025 година. Моментално, највреден според нивните статистичари е Ламине Јамал, чија вредност е 200.000.000 евра. И тоа не е изненадување,со оглед и на младоста на мега – ѕвездата.
По Јамал следува трио вредно 180.000.000 – Џуд Белингем, Ерлинг Халанд и Килијан Мбапе, додека на петтото место е Винисиус Жуниор со вредност од 150.000.000.
Потоа следува нов квартет кој е подеднакво вреден, по 140.000.000, имено – Педри, Џамал Мусијала, Букајо Сака и Александар Исак, додека првите 10 ги комплетираат Флоријан Вирц, кој вреди 130.000.000, иако исто колку Михаел Олисе од Баерн и Федерико Валверде од Реал.
Ако ги погледнеме клубовите, Реал Мадрид има дури четири играчи на оваа листа, Ливерпул, Барселона и Баерн Минхен имаат по двајца, а Сити и Арсенал имаат по еден.
Интересно е што најдобриот во светот, сопственикот на „Златната топка“ не е ни блиску до првите 10, бидејќи со проценета вредност од 100.000.000, тој ја зазема дивизијата од 15-та до 18-та позиција заедно со Мојсес Каиседо, Хулијан Алварез и Алексис Мекалистер?!
Сè на сè, Трансфермаркт го вели следново – Јамал е највреден во светот и вреди 200.000.000 евра, а Дембеле е двојно поевтин.
