Ирската ММА ѕвезда Конор Мекгрегор наводно е подготвена да се врати во УФЦ. Неговата желба е да се бори за титулата во полусредна категорија против Ислам Махачев.
За разлика од Нурмагомедов, кого често го нарекува пијан на социјалните мрежи затоа што не може да го преболи тешкиот пораз во мечот од 2018 година, ирскиот борец Конор Мекгрегор има голема почит кон актуелниот шампион на УФЦ, Ислам Махачев.
Конор се подготвува за враќање со години. Сега тоа е повторно актуелна тема, а „Озлогласениот“ би сакал да ја нападне титулата во полусредна категорија што ја поседува дагестанската ѕвезда.
„Мотивиран сум. Сакам да ја нападнам таа титула, сакам тројна круна.Тоа би била добра борба, добра пресметка“, изјави Конор.
Потоа се сети на својата борба со менторот на Ислам, Нурмагомедов, и му упати редок комплимент.
„Тоа беше силен, добар настап од него. Секоја чест за него“, а потоа повторно се сврте кон Ислам.
„Тој имаше храброст (за разлика од Хабиб) да оди повисоко. Секако дека сум возбуден за можна борба. Ќе видиме што ќе се случи. Прво треба да се вратам“, рече Конор седејќи на шанкот, кој со години му е „дом“ и кој речиси му ја уништи кариерата.
Од борбата со Хабиб, ирската ММА ѕвезда не е иста. Својот последен настап го имаше во летото 2021 година.
Постојано се зборуваше за враќање. Сепак, тој никогаш не беше подготвен и покрај големите најави, а многумина сè уште не веруваат дека некогаш ќе се случи враќање.
Конор е поранешен двократен шампион на УФЦ. Славата и парите му донесоа доста штета, а наследството во светот на ММА не е какво што требаше да биде.
Тој има скор од 22 победи и шест порази во својата професионална кариера. 19 победи со нокаут.
🚨 Conor McGregor wants to challenge Islam Makhachev for his 170-lb title 🤯
“I for sure want a crack at that belt to go for the triple crown. It’d be a good scrap.”
(via @BloodyElbow) pic.twitter.com/pE9LzlqTPs
— Happy Punch (@HappyPunch) December 5, 2025
