Работнички дојде до петтата победа откако на гостински терен го совлада Ангели со убедливи 73-117 во првиот меч од деветото коло во Супер-лига. „Црвено-црните“ доминираа против младиот состав и повратник во елитата.
Алстон со 25 поени беше прв стрелец кај победникот, 21 поен имаше Робев, додека по 20 поени имаа Ефремовски и Рикиќ, со тоа што последниот запиша дабл-дабл, додаде 13 скока. На другата страна Кечовски имаше 21 поен.
Победникот на овој меч беше решен после едно полувреме по кое гостите водеа со 39-63. Работнички беше подобар во сите четвртини и без проблем го приведе овој дуел во своја корист.
На другата страна Ангели за кого беше ова осми пораз, својата шанса за втора победа ќе ја бараат во следното коло.
