Во сета невоља во која се најдоа по катастрофалниот почеток на сезоната и проблемите кои се наталожија и со последните изјави на Мохамед Салах, раководството на Ливерпул се подготвува за промени во играчкиот кадар уште оваа зима.
Ливерпул наводно одредил намалена цена за дефанзивецот Ибрахима Конате по последниот катастрофален момент на Французинот. Поранешниот играч на РБ Лајпциг доживеа значителен пад на нивото на перформанси оваа сезона и беше виновен за првиот гол на Лидс Јунајтед во ремито 3-3 во Премиер лигата во саботата.
Ливерпул има само два дена за опоравување пред натпреварот од Лигата на шампионите со Интер на „Сан Сиро“, но се очекува Конате да го изгуби местото во првата единаесетка поради низата разочарувачки настапи. Жалната форма на 26-годишникот доаѓа во време кога се подготвува да влезе во последните шест месеци од договорот со Ливерпул, кои не постигнаа никаков напредок во разговорите со неговиот табор за продолжување на договорот.
Затоа, „црвените“ размислуваат за продажба на Конате во јануари, а според „Фудбал инсајдер“, Ливерпул ќе прифати 15 милиони фунти за Французинот следниот месец под еден услов: ако можат да потпишат замена во истиот рок.
