Во четврток од 18:45 часот на Арената во Скопје, во рамките на 5.коло од Лигата на Конференции, Шкендија ќе го одигра својот последен меч како домаќин во лигашката фаза на ова натпреварување. Противник е Слован Братислава од Словачка.
Како што информираат од таборот на нашиот шампион, денеска се пуштени во продажба билетите за овој меч и тие ќе чинат од 500 до 2000 денари.
За Јужната трибина, во зависност од тоа за кој блок станува збор, цената е од 500, 600 и 750 денари, додека за ВИП местата на Северната трибина тие изнесуваат 2000 денари.
Истите може да се набават он-лајн на МК.ТИКЕТС и на билетарницата на Арената “Тодор Проески“ на денот на натпреварот.
