За првпат во историјата, една жена ќе раководи со клуб во германскиот професионален фудбал. РБ Лајпциг ја назначи Татјана Хаени за извршен директор по последната седница на управниот одбор.
Хаени ќе го предводи менаџерскиот тим на клубот, во кој се и Јохан Пленге (бизнис), Флоријан Хоп (администрација) и Марсел Шефер (Спорт).
„Исклучително сме задоволни што го обезбедивме назначувањето на Татјана Хаени, силен лидер, за извршен директор на РБ Лајпциг. За време на нашите преговори, таа нè импресионираше нас и управниот одбор на клубот со своето искуство, комбинација од експертиза, лидерски квалитети и стратешко размислување. Очекуваме ова да даде нов импулс и да осигури дека сме добро подготвени за иднината и дека можеме да продолжиме да ги задоволуваме растечките барања“, изјави претседателот на Надзорниот одбор на Лајпциг, Оливер Минцлаф.
Татјана е поранешна фудбалерка, која има одиграно и 23 натпревари за швајцарската репрезентација.
