Ете и тоа го има во фудбалот, поточно во Африка. Претседателот на Камерунската фудбалска федерација, Самуел Ето, наводно намерно го изоставил Винсент Абубакар од списокот на националниот тим за претстојниот Куп на Африкански нации во 2025 година. 33-годишниот напаѓач, кој моментално игра за азербејџанскиот Нефчи ПФК, не е вклучен во списокот на националниот тим за континенталниот турнир што започнува на 21 декември 2025 година во Мароко.
И покрај добрата форма, Абубакар не е повикан во националниот тим, што предизвика бројни реакции во фудбалските кругови.
Според британскиот весник „Сан“, Ето, кој како претседател на федерацијата има големо влијание врз составот на тимот, наводно донел одлука да го изостави Абубакар од страв да не го надмине својот рекорд како најефикасен камерунски репрезентативец.
Абубакар досега постигнал 45 гола на 117 настапи за Камерун, додека Ето го држи рекордот со 56 гола на 118 натпревари. Ова значи дека искусниот напаѓач е само единаесет гола помалку за да го надмине Ето на листата на стрелци на сите времиња.
Во обид да го задржи својот рекорд, поранешната ѕвезда на Барселона и Интер наводно ја искористил својата позиција за да се осигура дека Абубакар нема да биде дел од тимот за претстојниот турнир.
На Африканскиот куп на нации, Камерун ќе игра во групата Ф со Габон, Брегот на Слоновата Коска и Мозамбик, а првиот натпревар ќе се игра во среда, 24 декември.
