Претседателот на Фудбалската Федерација на Македонија, господинот Масар Омерагиќ денеска беше дел од состанокот на Олимпискиот фудбалски комитет на ФИФА кој што се одржа во Доха, Катар.
На истиот присуствуваше и првиот човек на светскиот фудбал, претседателот на ФИФА, Џани Инфантино.
„Во Доха, присуствував на состанокот на Олимпискиот фудбалски комитет на ФИФА, на кој беше присутен и претседателот на ФИФА, Џани Инфанрино.
Комитетот, кој работи под покровителство на Советот на ФИФА, има за цел унапредување и координација на развојот на фудбалот во рамки на Олимписките игри, како и тесна соработка со „Olimpics“ во сите прашања поврзани со фудбалот на Олимпијадата.
Горди сме што сме дел од процеси кои го обликуваат идниот развој на фудбалот на најголемата светска спортска сцена“ – објави претседателот на ФФМ.
