Според најновите проценки на Трансфермаркт, специјализираниот сајт за вредноста на играчите и клубовите, Роџерс Мато е најскапиот играч во ПМФЛ во моментов, или фудбалер со најголема вредност. Сега репрезентативецот на Уганда и напаѓач на Вардар вреди 700.000 евра или неговата цена пораснала за 200.000 евра од последната објава на Трансфермаркт.
Интересно, цената на Клисман Цаке, и покрај успесите на Шкендија, не пораснала ни евро, па така тој и натаму е со 700.000 евра, исто како и таа на Мато од Вардар.
На табелата во ТОП 10, следуваат петтмина играчи на Шкендија, и на сите нив цената им скокнала. По 600.000 евра сега вредат Решат Рамадани, Имран Фетаи, Роналдо Вебстер, Фабрис Тамба а Александар Трумчи е со 500.000.
Исто толку вреди двоецот на Струга ТЛ, Басиру Компаоре и Бојан Илиевски со по 500.000 евра, а како последен во ТОП 10 е Мислав Матиќ од Вардар со 400.000.
ТОП – 10 ТАБЕЛА
Роџерс Мато (Вардар) 700.000 евра
Клисман Цаке (Шкендија) 700.000
Решат Рамадани (Шкендија) 600.000
Имран Фетаи (Шкендија) 600.000
Роналдо Вебстер (Шкендија) 600.000
Фабрис Тамба (Шкендија) 600.000
Александар Трумчи (Шкендија) 500.000
Басиру Компаоре (Струга ТЛ) 500.000
Бојан Илиевски (Струга ТЛ) 500.000
Мислав Матиќ (Вардар) 400.000
