Легендарниот англиски напаѓач и фудбалски аналитичар Гари Линекер ќе добие фантастичен хонорар за време на Светското првенство во 2026 година, објавува „Газета дело Спорт“. Според информациите, американската стриминг платформа Нетфликс ќе му плати на познатиот стрелец 16 милиони евра за да прави дневен подкаст во текот на летото.
Ова е специјална верзија на емисијата „Остатокот е фудбал“, која најдобриот стрелец на Светското првенство во Мексико во 1986 година ја води заедно со уште еден иконски стрелец – Алан Ширер, и со поранешниот дефанзивец на Манчестер Сити, Фиорентина и Астон Вила, Мика Ричардс.
Линекер ја заврши својата фудбалска кариера пред 31 година во Јапонија, по што не се сврте кон тренерската работа, туку стана водечки аналитичар. Долго време, поранешниот напаѓач на Лестер, Евертон, Барселона и Тотенхем беше ѕвезда во популарното шоу на Би-Би-Си „Натпревар на денот“, а последен пат го водеше популарното шоу на 25 мај годинава. Гари го следат девет милиони луѓе на социјалната мрежа „X“.
