Едноставно не може без кошарка. Прославениот српски тренер Светислав Пешиќ е новиот шеф на тренерскиот штаб на Баерн Минхен, објави германскиот гигант.
Поранешниот селектор на Србија, кој има 76 години, ќе ги предводи Баварците до крајот на сезоната и ќе го замени Гордон Херберт, кој неодамна се раздели од овој клуб.
Пешиќ веќе го водеше Баерн во периодот од 2012 до 2016 година и им ја донесе на Баварците титулата шампион на Германија во сезоната 2013-14.
Легендарниот тренер последен пат работеше во Евролигата како тренер на Барселона пред пет години, а токму со „блауграната“ го освои ова натпреварување во 2003 година.
Баерн моментално е претпоследен на табелата во Евролигата со резултат од пет победи и 12 порази.
🚨 Welcome back, Coach Pešić.
He takes over the team until end of season.📰🇬🇧 https://t.co/dPPiNuyG8u pic.twitter.com/anrJ4HqdR7
— FC Bayern Basketball (@FCBBasketball) December 22, 2025
