Сестрата на Лионел Меси беше вклучена во сериозна сообраќајна несреќа. Марија Сол Меси се здоби со тешки повреди, вклучувајќи фрактура на ‘рбетот и изгореници.
Аргентинскиот телевизиски новинар и водител Анхел де Брито рече дека мајката на фудбалската ѕвезда му рекла дека животот на Марија Сол не е во опасност, но дека сега ѝ е потребен долг период на рехабилитација.
Сообраќајната несреќа се случила во Мајами, кога сестрата на Меси ја изгубила контролата врз автомобилот и се удрила во ѕид.
Анхел, разговарајќи со LAM, рече додека читаше пораки на својот мобилен телефон: „Сестрата на Меси е добро, таа е надвор од опасност, но јас го контактирав семејството бидејќи требаше да се омажи во Росарио, Аргентина, на 3 јануари и сега ќе мора да ја одложи свадбата. Таа има два скршени пршлени, фрактури на петата и зглобот. Свадбата ќе биде одложена. Селија ми рече дека се онесвестила и удрила во ѕидот“, додава Де Брито.
