Лос Анџелес Лејкерс победија против Мемфис Гризлис со резултат од 128:121 во првиот од двата последователни натпревари што ќе ги играат овие тимови. Иако играта беше неизвесна до самиот крај, Лејкерс ја обезбедија победата со серија во последната четвртина.
Лука Дончиќ постигна 34 поени, шест скока и осум асистенции. По него следуваа Леброн Џејмс со 31 поен, девет скока и шест асистенции, и Џејк ЛаРавија, кој имаше 21 поен, девет скока и три асистенции. Џексон Хејс придонесе со 12 поени, Ник Смит Џуниор додаде осум поени од клупата, а Маркус Смарт постигна 13 поени со осум скока и седум асистенции.
Резултати: Индијана – Сан Антонио 113-123, Вашингтон – Бруклин 119-99, Кливленд – Денвер 113-108, Њујорк – Атланта 99-111, Чикаго – Орландо 121-114, Милвоки – Шарлот 122-121, Њу Орлеанс – Портланд 109-122, Феникс – Сакраменто 129-122, Голден Стејт – Оклахома Сити 94-131, ЛА лејкерс – Мемфис 128-121.
