Тренерот на Реал Мадрид, Чаби Алонсо, зборуваше за зимскиот преоден рок, во кој тимот може да се засили со нови играчи поради многуте повреди што ги мачат „лос бланкосите“.
„Работам со играчкиот кадар што го имаме, со тимот што го имаме, а мојата работа е да го извлечам максимумот од тоа. Сè уште сме во процес, со добри и не толку добри моменти. Секогаш бараме начини да се подобриме, без да споменуваме имиња“, рече Алонсо на прес-конференцијата пред домашниот натпревар против Бетис во Ла Лига денеска од 16.15 часот.
„Од друга страна секогаш мора да бидеме будни на трансфер пазарот. Задоволни сме од составот, но мора да бидеме внимателни“, додаде стратегот на “Кралевите“.
Реал Мадрид е на второто место на табелата во Ла Лига, зад лидерот Барселона.
